यवत मध्ये महार वतनाची जमीन हडपण्याचा डाव ; कुटुंबीयांच्या वतीने पोलीस स्टेशन ला निवेदन सादर..!
महाराष्ट्र एक्सप्रेस न्यूज : हनुमंत सुरवसे
यवत (ता. दौंड) : पुणे जिल्ह्यामधील दौंड तालुक्यात यवत ग्रामपंचायत हद्दीमध्ये श्रीमती सिंधूबाई तुकाराम गायकवाड वय ६३, यांची यवत स्टेशन परिसरात गट नंबर ३८२/१ अशी महार वतनाची वडिलोपार्जित जमीन असून ती जमीन काही राजकीय गाव गुंडानी दहशत निर्माण करून हडपण्याचा प्रयत्न केला असल्याचा आरोप सिंधूबाई गायकवाड व तसेच त्यांच्या कुटूंबीयांनी केला असून यवत पोलीस स्टेशन ला राजमाता जिजाऊ ब्रिगेड दौंड तालुका या संघटनेच्या वतीने निवेदन देण्यात आले आहे.
मिळालेल्या माहिती नुसार,
श्रीमती सिंधूबाई तुकाराम गायकवाड वय ६३, यांची यवत स्टेशन परिसरात गट नंबर ३८२/१ अशी महार वतनाची वडिलोपार्जित जमीन असून त्यावर त्यांचा उदरनिर्वाह चालत आहे. शेंडकर कुटुंबीयांकडून दौंड तालुक्यातील मोठ्या राजकीय पुढऱ्यांच्या हस्तक्षेपाने व तसेच यवत गावातील काही राजकीय गाव गुंडाकडून दहशत निर्माण करून त्यांची महार वतनाची जमीन बळकवण्याचा प्रयत्न केला असल्याचे त्यांनी निवेदनात नमुद केले आहे, तसेच त्यांच्या एकुलत्या एक मुलाला जीवे मारण्याची धमक्या येत असल्याचेही त्यांनी सांगितले. त्याच प्रमाणे त्यांच्या जमिनीत बेकायदेशीर रित्या लक्झरी कार घेऊन सुमारे ८ ते १० जण काठ्या, कुऱ्हाडी सह दहशत निर्माण करून ठाण मांडून बसले असल्याचेही त्यांनी सांगितले. तसेच वेळो वेळी पोलीस प्रशासनास कल्पना देऊनही अद्याप कोणत्याही प्रकारची कारवाई झाली नसल्याचे त्यांनी सांगितले.
यावर पुढे बोलताना त्या म्हणाल्या की, राजमाता जिजाऊ ब्रिगेड दौंड तालुका या संघटनेच्या वतीने आम्ही यवत पोलीस स्टेशन तसेच मुख्यमंत्री सचिवालय मंत्रालय मुंबई यांच्याकडे लेखी निवेदन सादर केले आहे तरी आमची जमीन बळकवणाऱ्या व्यक्ती विरोधात सर्वांवर ॲट्रॉसिटी कायद्याअंतर्गत त्वरित गुन्हा दाखल करण्यात यावा अशी मागणी आम्ही केलेली आहे.
