घरपोच सेवा देणाऱ्या गॅस एजन्सीचा दावा खोटा ; गॅस सिलेंडर साठी लांबलचक मोठी रांग..!
महाराष्ट्र एक्सप्रेस न्यूज : हनुमंत सुरवसे
Loni Kalbhor News : घरपोच सेवा देणाऱ्या गॅस एजन्सीचा दावा खोटा असून गॅस सिलेंडर साठी लोणी काळभोर मध्ये लांबलचक मोठी रांग लागल्याचे पाहायला मिळत असून तरी देखील गॅस सिलेंडर मिळत नसल्याची चर्चा नागरिकांमध्ये होताना दिसत आहे.
नुकत्याच इस्त्राईल, इराण आणि अमेरिका यांच्यामधील झालेल्या युद्धामुळे घरगुती गॅस सिलेंडर ची टंचाई भासत असल्याचे पाहायला मिळत आहे, तसेच गॅस सिलेंडरच्या टंचाईमुळे अनेक हॉटेल व्यवसायिक यांना आर्थिक फटका बसल्याचीही चर्चा हॉटेल व्यवसायिकांमध्ये होताना दिसत आहे. मागील काही दिवसांपूर्वी लोणी काळभोर मधील एका नामांकित गॅस एजन्सीने घरगुती सिलेंडरचा पुरवठा सुरळीत असल्याचे सांगितले होते. परंतु त्यांचा हा दावा पूर्णपणे खोटा ठरला असून नागरिकांना घरगुती गॅस सिलेंडर साठी तासंतास रांगेत उभे राहण्याची वेळ आली आहे. रांगेत तासंतास उभे राहूनही सिलेंडर मिळत नसल्याचे नागरिकांनी सांगितले.
गॅस सिलेंडरचा काळाबाजार मोठ्या प्रमाणात सुरू कारवाई करण्याची मागणी
गॅस एजन्सी कडून सिलेंडरचा पुरवठा पूर्णपणे होत नसल्या कारणास्तव सिलेंडरचा काळाबाजार उफाळला असून यामध्ये नागरिकांकडून दुप्पट पैसे घेऊन घरगुती सिलेंडर व व्यावसायिक सिलेंडर चा मोठ्या प्रमाणात काळाबाजार होताना दिसत आहे. यामध्ये प्रशासनाने गांभीर्याने लक्ष घालून सिलेंडरचा काळाबाजार करणाऱ्या टोळीवर कायदेशीर कारवाई करण्याचे मागणी नागरिकांकडून होताना दिसत आहे.
