फुरसुंगी : दिनांक ०७/०१/२०२६ रोजी दुपारचे सुमारास फिर्यादी अल्पवयीन वयीन असल्याचे माहिती असतानाही तिचेशी लगट करून तिचे इच्छेविरुध्द तिचेशी जबरदस्तीने शारीरीक संबंध बनवले व तिचे फोटो व्हायरल करील अशी धमकी दिली होती. त्यामुळे फिर्यादी निर्भया हिने दिनांक ०८/०१/२०२६ रोजी फुरसुंगी पोलीस स्टेशन येथे तक्रार दिली होती. त्यावरुन फुरसुंगी पोलीस स्टेशन गु.रजि.नं. १३/२०२६ भारतीय न्याय संहिता कलम ६४ (१), बालकांचे लैंगिक अत्याचारापासून संरक्षण अधिनियम कलम ४, ८, १२ प्रमाणे गुन्हा दाखल करण्यात आला आहे.
मा. वरीष्ठांचे आदेशान्वये पोलीस पथक तयार करुन आरोपीचा शोध घेत असताना मिळालेल्या माहीतीचे आधारे तसेच तांत्रिक विश्लेषनावरुन आरोपी हा आपले अस्तित्व लपवून वावर करत होता. तसेच तो सतत आपले वास्तव्याचे ठिकाण बदलत असल्याने त्याचा शोध घेवून गुन्हयात अटक करणे पोलीसांपुढे आव्हान निर्माण झाले होते. आरोपीचा शोध घेत असाताना गोपनिय माहीती मिळाली की, तो धोम, ता. वाई, जि. सातारा येथे येणार असल्याची माहिती मिळाली. पोलीस पथकाने आरोपीचा माग काढून सापळा रचला व आरोपीस शिताफीने ताब्यात घेतले. त्याचेकडे गुन्हयाचे अनुषंगाने तपास केला असता त्याने गुन्हा केला असल्याचे निष्पन्न झाले आहे. सदर गुन्हा दाखल होताच तात्काळ गुन्हयाची उकल करण्यात फुरसुंगी पोलीसांना यश आले आहे.
सदरची कामगिरी मा. डॉ. राजकुमार शिंदे, पोलीस उपआयुक्त परि.-६, पुणे शहर यांचे मार्गदर्शनाखाली मा. अनुराधा उदमले मॅडम, सहा. पोलीस आयुक्त, लोणीकाळभोर विभाग पुणे शहर, श्री. अमोल मोरे, वरिष्ठ पोलीस निरिक्षक, फुरसुंगी पोलीस स्टेशन, पुणे शहर यांचे सुचनेप्रमाणे पोउपनि विनोद पवार, पोलीस हवालदार सागर वणवे, पोलीस अमलदार हेमंत कामथे सर्व नेमणुक फुरसुंगी पोलीस स्टेशन, पुणे शहर यांनी प्रशंसनीय कामगिरी केली आहे.
वरील गुन्हयाचा तपास श्री पोउनि रविंद्र ढावरे, पोलीस उप-निरीक्षक, फुरसुंगी पोलीस स्टेशन पुणे शहर हे करत आहेत.
