मुख्यमंत्र्यांचे तात्काळ राजीनामा देण्याचे आदेश, पण ट्वीटमध्ये चाकणकरांकडून वेगळाच मुद्दा..!
Maharashtra Express News
मुंबई : भोंदूबाबा अशोक खरात प्रकरणामुळे राज्याच्या महिला आयोगाच्या अध्यक्षा रुपाली चाकणकर यांना चांगलंच महागात पडलं आहे. रुपाली चाकणकर याांच्या यांच्या राजीनाम्याची मागणी विरोधकांनी लावून धरली होती.
अखेरीस मुख्यमंत्री देवेंद्र फडणवीस यांनी रुपाली चाकणकर यांना तात्काळ राजीनामा देण्याचे आदेश दिले. पण, रुपाली चाकणकर यांनी पोलीस महासंचालकांच्या भेटीनंतर ट्वीट केलं आहे, त्या ट्वीटची चर्चा रंगली आहे.
महिला अत्याचार प्रकरणी कॅप्टन अशोक खरातचे काळे कृत्य समोर आल्यामुळे महाराष्ट्रात संतापाची लाट उसळली आहे. अशातच अशोक खरात याचे पाय धुताना आणि सोबत असतानाचे रुपाली चाकणकर यांचे काही फोटो आणि व्हिडीओ व्हायरल झाले आहे. त्यामुळे रुपाली चाकणकर या पुरत्या अडचणीत सापडल्या आहे. आज रुपाली चाकणकर यांनी मुंबई पोलीस महासंचलकांची भेट घेतली. या भेटीनंतर मुख्यमंत्री देवेंद्र फडणवीस यांनी चाकणकर यांना तात्काळ राजीनामा देण्याचे आदेश दिले आहे. पण चाकणकर यांनी आपल्या ट्वीटमध्ये राजीनाम्याचा उल्लेखच केला नाही.
“आज मुंबई येथे पोलीस महासंचालक सदानंद दाते यांची भेट घेत त्यांना राज्य महिला आयोगाच्या वतीने पत्र दिलं. या पत्रात अशोक खरात महिला अत्याचार प्रकरणाचा सखोल आणि वस्तुनिष्ठ तपास व्हावा तसंच या प्रकरणाची उच्चस्तरीय चौकशी करत या प्रकरणातील सत्यता बाहेर यावी, आरोपीवर कारवाई होण्याकरता आपल्या स्तरावरून निर्देश देण्याबाबत सांगितले’ अशी माहिती चाकणकर यांनी आपल्या ट्वीटमध्ये दिली.
रुपाली चाकणकर उपमुख्यमंत्री सुनेत्रा पवारांची भेट घेण्याची शक्यता
दरम्यान, पोलीस महासंचानक सदानंद दाते यांची भेट घेतल्यानंतर राजकीय घडामोडींना वेग आला. मुख्यमंत्री देवेंद्र फडणवीस यांनी चाकणकर यांना तातडीने राजीनामा देण्याचे आदेश दिले आहे. मुंबईत भेट घेतल्यानंतर चाकणकर सध्या पुण्याला रवाना झाल्या आहे. पुण्यात उपमुख्यमंत्री सुनेत्रा पवार यांची भेट घेण्याची शक्यता आहे.
