सोरतापवाडी येथे पोहण्यासाठी गेलेला तरुण विहरीत बुडाला; उरुळी कांचन पोलीस घटनास्थळी दाखल
उरुळी कांचन : पोहण्यासाठी गेलेला सुमारे १९ ते २० वर्षे वयोगटातील एक मुलगा विहरीत बुडाला असल्याची माहिती मिळत आहे. सोरतापवाडी (ता. हवेली) ग्रामपंचायत हद्दीतील गुंजाळ मळा परिसरात ही घटना घडली आहे.
आज रविवारी दुपारी अडीच ते पाऊणे तीन वाजण्याच्या सुमारास हि घटना घडली आहे. या घटनेमुळे सोरतापवाडी आणि उरुळी कांचन परिसरात मोठी खळबळ उडाली असून सर्वत्र हळहळ व्यक्त केली जात आहे.बुडालेल्या तरुण मुलाची माहिती मिळाली नसून, घटनास्थळी उरुळी कांचन पोलीस दाखल झाले आहेत.
दरम्यान, सोबत असलेल्या मित्रांनी आरडाओरडा केल्यानंतर परिसरातील नागरिक मदतीसाठी धावून आले. घटनेची माहिती मिळताच उरुळी कांचन पोलीस तातडीने घटनास्थळी दाखल झाले असून पुढील कार्यवाही सुरु आहे.
