पुणे : भीमा पाटस सहकारी साखर कारखान्याच्या बगॅसला भीषण आग, ट्रक जळून खाक
पु णे: पाटस (ता. दौंड) येथील भीमा पाटस सहकारी साखर कारखान्याच्या बगॅसला सोमवारी (दि. ३०) सकाळी सुमारे सव्वा दहाच्या दरम्यान अचानक आग लागल्याची घटना घडली. या भीषण आगीत बगॅस भरण्यासाठी उभा असलेला एक ट्रक जळून खाक झाला.
दोन अग्निशामक गाड्या आग आटोक्यात आणण्यासाठी उपलब्ध झाल्या आहेत.दैनिक पुढारीने याबाबतचे वृत्त दिले आहे.
वृत्तात म्हटले आहे की, कारखान्याच्या परिसरातील बगॅसला अचानक आग लागली काही क्षणांतच आगीने विक्राळ रूप धारण केले. यावेळी घटनास्थळी उभा असलेला ट्रक आगीत जळून खाक झाला. आगीमुळे परिसरात नागरिकांची धावपळ उडाली होती. सुदैवाने या घटनेत कोणतीही जीवितहानी झाली नाही. या आगीचे नेमके कारण काय, हे अजून समजले नाही याबाबत तपास सुरू आहे.
